Թուրքիան իր արտաքին քաղաքականությունում ահավոր զիջումներ է անում

Քաղաքական13:22, 17 Փետրվար 2014

Թուրքիան իր արտաքին քաղաքականությունում ահավոր զիջումներ է անում

Թուրքիայի ընդդիմադիր «Ժողովրդահանրապետական կուսակցության» (ԺՀԿ-CHP) նախկին պատգամավոր, «Իրավաբանների միջազգային ասոցացիա»-ի անդամ Շահին Մենգյուն խստորեն քննադատել է Ահմեթ Դավութօղլուի ղեկավարած արտաքին քաղաքական գերատեսչության աշխատանքները: Ըստ Մենգյուի` արտաքին քաղաքականության մեջ Անկարան ահավոր զիջումներ է անում: Նման զիջողական քաղաքականությունը ընդդիմադիր կուսակցածակը բացատրում է 2 հիմնական գործոնով`

1. Սիրիայի քաղաքացիական պատերազմում իսլամիստ ահաբեկիչներին Թուրքիայի կողմից օգնություն ցուցաբերվելու մասին փաստերի ի հայտ գալը:

2. Գեզիի հակակառավարական ցույցերի պատճառով ԱՄՆ-ի և Եվրամիության աչքին Թուրքիայի հեղինակության վերականգնման համար:

Մենգյուն նշում է, որ Դավութօղլուն բոլորովին անհարկի 2013-ի դեկտեմբերին մեկնեց Երևան` մասնակցելու «Սևծովյան տնտեսական համագործակցություն» կազմակերպության հերթական նիստին: Դեռ մի բան էլ իր պատվիրակության կազմում ընդգրկել էր ազգությամբ հայ Թուրքիայի քաղաքացիների, որոնք ինչ-որ չափով հանրաճանաչ են: Ընդդիմադիր կուսակցականը դատապարտում է Դավութօղլուի երևանյան պահվածքն այն բան համար, որ վերջինս «ադրբեջանական հողերից» հայկական զինուժի դուրսբերման պահանջի փոխարեն պետք է անդրադառնար Հայաստանի Անկախության հռչակագրում տեղ գտած Արևմտյան Հայաստանի, Հայոց ցեղասպանության և հատուցման մասին ձևակերպումներին:

«Բայց ոչ միայն չանդրադարձավ այդ հարցին, այլև սխալ ու անընդունելի համարեց նախորդ դարասկզբի հայկական տեղահանությունը»,- «Քեմալիստլեր» լրատվական կայքի տեղեկացմամբ` դժգոհել է Շահին Մենգյուն:

Ermenihaber.am