«Ալո, վարչապետ, բավական է արդեն». թուրք լրագրողները հակակառավարական բողոքի ակցիա են անցկացրել

Քաղաքական08:39, 17 Փետրվար 2014

«Ալո, վարչապետ, բավական է արդեն». թուրք լրագրողները հակակառավարական բողոքի ակցիա են անցկացրել

Նախօրեին Ստամբուլում մի խումբ լրագրողներ բողոքի ակցիա են անցկացրել` քննադատելով կառավարության` մամուլի վրա ճնշում գործադրելու և գրաքննության քաղաքականությունը:
Ըստ թուրքական «Հաբեր3» լրատվական կայքի` թուրքիայի լրագրողների արհմիությունում հավաքված լրագրողները վանկարկումներով քայլել են դեպի Ստամբուլի նահանգապետարան: Այնտեղ նրանք հանդես են եկել հայտարարությամբ:

Հայտարությունը կարդացող լրագրող Չիղդեմ Անադը նշելով, որ Թուրքիայում լրագրությունը երկար տարիներ է իշխանության կողմից ճնշման տակ է գտնվում, ասել է «Հեռախոսով արվող կարգադրությունները և գրաքննությունը խեղդում են մամուլը: Վերջին 2 շաբաթվա ընթացքում տեսանք, թե ինչքան քայքայիչ կարող են լինել այս երևույթները: Դրանք ժողովրադավար երկրում տեղ չունեն»:

Ցուցարարները պարզել են «Մամուլի և խոսքի ազատության համար ենք ոտքի կանգնել», «Դադարեցրեք ճնշումը» «Ալո, վարչապետ, բավական է արդեն» գրություններով պաստառներ և վանկարկել` «Ազատ մամուլին հնարավոր չէ լռեցնել»:

Ermenihaber.am