ERMENI HABER AJANSI

Յոթ տարվա ուշացումից հետո այսօր ամերիկյան «Boeing» ավիաշինական ընկերության կողմից Թուրքիայի զինված ուժերին (ԶՈւ) կհանձնվի օդային նախազգուշացման ու վերահսկման AWACS համակարգը, որի համար Թուրքիան առայժմ վճարել է 637 մլն դոլար: Այդ հետախուզական ինքնաթիռների մատակարարումն իրականացնելու համար Անկարայի վճարելիք վերջնական և ընդհանուր գումարը կազմելու է 1 մլրդ 385 մլն դոլար:

Ըստ թուրքական «Զաման» պարբերականի` շնորհիվ նշյալ «AWACS» համակարգի Թուրքիայի օդուժը հնարավորություն կունենա տեսահսկելու սևծովյան օդային ամբողջ տարածքը, Իրանի, Իրաքի, Սիրիայի և Հայաստանի և Եվրոպայի հետ օդային սահմանը: «AWACS»-ի նորագույն ռադարների միջոցով կարելի է 100-ավոր կիլոմտրերի հեռավորությունից արձանագրել և տեղորոշել ցանկացած տիպի օդանավ կամ ռազմանավ: «AWACS»-ն ի զորու է 10 ժամվա թռիչքի ընթացքում հսկել 4մլն քմ օդային տարածք: Նման համակարգի համալրումով զգալիորեն հզորանում են Թուրքիայի ռազմաօդային պարեկության համակարգը:

Ermenihaber.am