«Գող էրդողան», «Բարով մնաս, Թայիփ». զանգվածային բողոքի ցույցեր Թուրքիայում

Քաղաքական08:20, 26 Փետրվար 2014

«Գող էրդողան», «Բարով մնաս, Թայիփ». զանգվածային բողոքի ցույցեր Թուրքիայում

Թուրքիայի վարչապետ Ռեջեփ Թայիփ Էրդողանի որդու Բիլալ Էրդողանի հետ ունեցած հեռախոսազրույցի ձայնագրության հրապարակումից հետո Թուրքիայում զանգվածային բողոքի ցույցեր են տեղի ունեցել: Հայտնում է թուրքական «Ռադիկալ»-ը:

Փետրվարի 24-ին, երեկոյան թուրքական մամուլում հայտնվել էր վարչապետ Ռեջեփ Թայիփ Էրդողանի և որդու՝ Բիլալ Էրդողանի գաղտնալսված հեռախոսազրույցների ձայնագրությունները, որոնք տեղի են ունեցել դեկտեմբերի 17-ին՝ Թուրքիայում տեղի ունեցած կոռուպցիոն սկանդալի օրը: Հեռախոսազրույցում Էրդողանը որդուն տեղեկացնում է, որ խուազարկություններ են տեղի ունենում և հրահանգներ է տվել որդուն` տանից փողերը հանելու ու զրոյացնելու վերաբերյալ:

Ձայնագրության տարածումից հետո Ստամբուլում, Էսքիշեհիրում, Մուղլայում, Անկարայում, Անթալիայում, Իզմիթում, Չանաքքալեում և մի շարք այլ քաղաքներում տեղի են ունեցել զանգվածային բողոքի ակցիաներ: Ստամբուլի Քադըքյոյ թաղամասում հավաքված 500 հոգանոց խումբը վանկարկել է «ամեն տեղ կաշառք, ամեն տեղ ապօրինություն» :

Իսկ Իզմիթում ցուցարարները Էրդողանի ղեկավարած «Արդարություն և զարգացում» կուսակցության (AKP-ԱԶԿ) գրասենյակի վրա ձվեր են նետել:

Էսքիշեհիրում վանկարկել են «Կառավարություն հեռացիր» և ԱԶԿ-ի գրասենյակի պատերին գունվոր ներկերով գրել են «գող կա»:

Ցուցարաները նաև վանկարկել են « Գող էրդողան», «Բարով մնաս, Թայիփ» և այլն :

Ոստիկանությունը ամեն տեղ փորձել է ցրել ցուցարարներին` կիրառելով արցունքաբեր գազ, ջրցան մեքենաներ, ռետինե փափուշտներ: Որոշ տեղերում ոստիկանության ու ցուցարարների միջև բախումներ են տեղի ունեցել:

Նախորդող հրապարակում` Էրդողանի և որդու հեռախոսազրույցի ձայնագրությունը ցնցել է Թուրքիան

Ermenihaber.am