Թուրք կինոդրամատուրգներն` ընդդեմ «Նիմֆոմանուհու» արգելմանը

Մշակութային10:12, 05 Մարտ 2014

Թուրք կինոդրամատուրգներն` ընդդեմ «Նիմֆոմանուհու» արգելմանը

Թուրքիայի կինոդրամատուրգների միությունը քննադատել է Թուրքիայում սկանդալային «Նիմֆոմանուհի» ֆիլմի ցուցադրության արգելումը:

Միության տարածած հայտարարության մեջ մասնավորապես ասվում է. «Ֆիլմերը և արվեստի այլ ստեղծագործությունները զանգվածներին հասցնելուն խոչընդոտող ցանկացած օրենք անընդունելի է: Ֆիլմի ցուցադրության սահմանափակման մասին որոշումը մեծ սխալ ենք համարում: Պետության պարտականությունը ֆիլմի դիտման համար տարիքային դասակարգումն անելն ու մարդկանց ֆիլմի բովանդակության մասին տեղեկություն տալն է, ոչ թե չափահաս մարդկանց նախասիրությունները որոշելը: Թուրքիայի կինոդրամատուրգների միության անունից մեկ անգամ ևս հիշեցնում ենք, որ դեմ ենք գրաքննության բոլոր դրսևորումներին»:

Հիշեցնենք, որ դանիացի հայտնի ռեժիսոր Լարս վոն Թրիերի` իր բաց տեսարաններով աշխարհում մեծ աղմուկ բարձրացրած «Նիմֆոմանուհի» ֆիլմի ցուցադրությունը Թուրքիայում արգելվել է:

Ermenihaber.am