Թուրքիան փակում է իր «բաց դռները» սիրիացների առջև

Տարածաշրջան10:53, 06 Մարտ 2014

Թուրքիան փակում է իր «բաց դռները» սիրիացների առջև

Սիրիայում ստեղծված ներքաղաքական դրության պատճառով ծանր կացության մեջ հայտնված սիրիացիների նկատմամբ Թուրքիայիում կիրառվող «բաց դռների քաղաքականությունը» առկախվել է:

Թուրքական «Զաման» թերթը, հղում անելով իր ռազմական աղբյուրներին, հայտնում է, որ սահամանակից շրջանների գավառապետերին հրահանգվել է սիրիացի փախստականներին ընդունել միայն արտակարգ դեպքերում:

Սահմանապահները «Զաման»-ի հետ զրույցում ասել են, որ իրենց կարգադրվելէ թույլ չտալ սիրիացիների մուտքը Թուրքիա` բացառությամբ հատուկ դեպքերի:

Թուրքիայի արտգործնախարարության և արտակարգ իրավիճակների նախարարության պարզբանումներում ասվում է, որ «բաց դռների» քաղաքականությունը շարունակելու դեպքում Թուրքիայում սիրիացի փախստականների թիվը կարող է կտրուկ աճել` հասնելով 5 միլիոնի:

Նշենք, որ «բաց դռների» քաղաքականության շնորհիվ սիրիացիները հեշտությամբ մուտք էին գործում Թուրքիա` նույնիսկ առանց անձնագրի:

Ermenihaber.am