«Թուրքիայի հետ հարաբերությունները վատացնելուց առաջ Հայոց ցեղասպանությունը մերժեցիք». Հրեա նախկին նախարար

Տարածաշրջան13:55, 11 Մարտ 2014

«Թուրքիայի հետ հարաբերությունները վատացնելուց առաջ Հայոց ցեղասպանությունը մերժեցիք». Հրեա նախկին նախարար

Իսրայելի նախկին կրթության նախարար Յոսի Սարիդը հրեական հայտնի «Haaretz» թերթում հրապարակված հոդվածում քննադատական տողեր է ուղղել Բենիամին Նեթանյահուի կառավարությանը:

Նախկին նախարարը «Ոչ թե սկզբունքների, այլ շահերի երկիր» վերնագրով հոդվածում անդրադարձել է արտաքին քաղաքականության հարցերի, որոնք լուծումը Իսրայելը ստորադասել է կոնկրետ երկրների հետ ունեցած շահերին: Թուրքական «Հաբեր իքս» լրատվական կայքի փոխանցմամբ՝ Սարիդը կառավարությանը մեղադրել է Հայոց ցեղասպանությանը ընդունումը Թուրքիայի հետ հարաբերությունների պատճառով օրակարգից դուրս մղելու համար:

Ցեղասպանության ընդունման թեմայով նախկին նախարարը մասնավորապես ասել է. «Ցեղասպանությունն էլ հասցրեցինք մերժել մինչ Էրդողանը դուրս կգար ու մեզ հրապարակավ մեղադրանքներ կառաջադրեր: Երբ ես գնացի եկեղեցի և հիշատակության ու ճանաչման պահանջով ինքնամաքրվեցի, Շիմոն Պերեսն ու Էհուդ Բարաքը ինձ հանդիմանեցին՝ ասելով, որ մեր շահերի մասին չմոռանամ»:

Ermenihaber.am