Էրդողանին վերագրվող հերթական սկանդալային ձայնագրությունը

Տարածաշրջան13:43, 11 Մարտ 2014

Էրդողանին վերագրվող հերթական սկանդալային ձայնագրությունը

Համացանցում հայտնվել է Թուրքիայի վարչապետ Ռեջեփ Թայիփ Էրդողանի գաղտնալսված հեռախոսազրույցի հերթական սկանդալային ձայնագրությունը: Այս մասին հայտնում է թուրքական «Ջումհուրիյեթ» պարբերականը` նշելով, որ Էրդողանը պարզվում է կոռուպցիան կոծկելու նպատակով ճնշում է գործադրել «NTV» հեռուստաալիքի վրա:

Ձայնագրությունը կազմված է երկու մասից, առաջինում, ըստ պնդումների, Էրդողանը խոսում է իր գլխավոր խորհրդական Յալչըն Աքդողանի հետ: Վերջինս տեղեկացնում է, որ NTV-ի ղեկավարները տրամադրված չեն եթեր Էրդողանի խորհրդական Յըղըթ Բուլութին:

Հաջորդ ձայնագրությունում Էրդողանի ենթադրյալ զրուցակիցը «Դողուշ գրուպ»-ի ղեկավար Ֆերիթ Շահենքն է: Էրդողանը նրան ներկայացնում է եղելությունը և ակնկալում Շահենքի միջամտությունը հարցին:

«Արդյունքում 2013-ի դեկտեմբերի 21-ին Յըղըթ Բուլութ հրավեր է ստանում և հյուրընկալվում NTV-ի հեռուստահաղորդումներից մեկին»,- տեղեկացնում է «Ջումհուրիյեթ»-ը:

Հիշեցնենք, որ ավելի վաղ համացանցում հայտնվել էր Էրդողանի և նրա որդու հեռախոսազրույցների ձայնագրությունները, որտեղ վերջիններս խոսում են առանձնատներում պահած խոշոր չափի գումարներն այլ ապահով վայրեր տեղափոխելու, ինչպես նաև մի գործարարից կաշառք ստանալու մասին:

Ermenihaber.am