Թուրքիան այս գիշեր չի քնել. կրկին հակակառավարական ցույցեր են տեղի ունեցել (լուսանկարներ)

Քաղաքական08:48, 12 Մարտ 2014

Թուրքիան այս գիշեր չի քնել. կրկին հակակառավարական ցույցեր են տեղի ունեցել (լուսանկարներ)

Երեկ առավոտվանից մինչև այսօր առավոտ Թուրքիայի 32 շրջաններում տեղի են ունեցել բողոքի ցույցեր: Մարդիկ փողոց են դուրս եկել` 15-ամյա Բերքին Էլվանի մահվան լուրը լսելուց հետո, որը կոմայի մեջ էր ընկել Գեզիի ցույցերի ժամանակ ոստիկանության կողմից գազային ատրճանակի ծանր վնասվածքի պատճառով: Նա 269 օր կոմայի մեջ մնալուց հետո երեկ մահացել էր:

Ըստ թուրքական «Հյուրիյեթ» լրատվական կայքի` այս անգամ ևս ոստիկանությունը ցուցարարների հանդեպ ուժ է կիրառել:

Հարյուրավոր ցուցարարներ հավաքվել են Ստամբուլի Թաքսիմ հրապարակում, իսկ Բեշիքթաշ թաղամասից Թաքսիմ ցուցարարների խումբը փորձել է բողոքի քայլերթ անցկացրել, սակայն ոստիկանությունը նրանց կանգնեցրել է: Երբ ցուցարարները որոշել են շարունակել քայլերթը, ոստիկանությունը կրկին միջամտել է` կիրառելով արցունաքբեր գազ ու ջրցան մեքենաներ: Իսթիքլալ պողոտայում ոստիկանության ու ցուցարարների միջև բախումների ժամանակ նույնիսկ ոստիկանական մեքենան հարվածել է ցուցարարներից մեկին, որը, վնասվածք ստանալով, տեղափոխվել է հիվանդանոց:

Ermenihaber.am