Թուրքիայում ոստիկանությունը կրկին ուժ է կիրառել ցույցերը ցրելու համար

Քաղաքական07:54, 13 Մարտ 2014

Թուրքիայում ոստիկանությունը կրկին ուժ է կիրառել ցույցերը ցրելու համար

Արդեն 2 օր է Թուրքիայի տարբեր քաղաքներում շարունակվում են Գեզիի դեպքերի ժամանակ վնասվածք ստացած պատանու մահվանից հետո անցկացվող բողոքի ցույցերը: Թուրքական մամուլի տեղեկացմամբ`ինչպես Գեզիի դեպքերի ժամանակ, այս անգամ ևս ոստիկանությունը ցուցարարներին ցրելու համար ուժ է կիրառել:

Այսպես օրինակ, Անկարայի Թուզլուչայըր թաղամասում ոստիկանների և ցուցարաների միջև բախման ժամանակ 2 ցուցարար վիրավորվել է, իսկ Քըզըլայ թաղամասում ոստիկանությունը փորձել է բերման ենթարկել ցուցարարներից մեկին, սակայն մնացած ցուցարարները թույլ չեն տվել, ինչի հետևանքով ոստիկաններն ու ցուցարարները ընդհարվել են: «CNNTurk»-ի տեղեկացմամբ` այս անգամ ևս ցուցարարներին ցրելու համար ոստիկանությունը կիրառել է արցունքաբեր գազ և ջրցան մեքենաներ:

Ցուցարարները պարզել են հակակառավարական լոզունգներով պաստառներ են ունեցել և վարչապետ Էրդողանի և ոստիկանության հասցեին տարբեր վանկարկումներ են արել:

Անկարայի նահանգային վարչությունը հայտարություն է տարածել` ըստ որի Էլվան Բերքինի համար փողոց դուրս եկած ցուցարարներից 73-ը անկարգության համար բերման են ենթարկվել:

Հիշեցնենք, որ 15-ամյա Բերքին Էվլանը կոմայի մեջ էր ընկել Գեզիի ցույցերի ժամանակ ոստիկանության կողմից կիրառված գազային ատրճանակից հասցված ծանր վնասվածքի պատճառով: Նա 269 օր կոմայի մեջ մնալուց հետո մարտի 11-ին մահացել էր: Պատանու պահվան լուրը լսելուն պես հազարավոր թուրքերի երկրի տարբեր քաղաքներում փողոց են դուրս եկել և անցկացնում են հակակառավարական բողոքի ակցիաներ:

Ermenihaber.am