Թուրքիան իր պետական ծառայողներին 3-4 անգամ ավելի քիչ է վարձատրում, քան Եվրոպան

Տարածաշրջան15:57, 17 Մարտ 2014

Թուրքիան իր պետական ծառայողներին 3-4 անգամ ավելի քիչ է վարձատրում, քան Եվրոպան

Թուրքական «Միլլիյեթի» հոդվածագիրն իր «Թուրքիայում ու Եվրոպայում պետական ծառայողների քանակը, նրանց ստացած աշխատավարձը» հոդվածում համեմատականներ է անցկացրել Թուրքիայում և Եվրոպայում պետական ծառայողների քանակի տոկոսային հարաբերությունների ու վարձատրությունների միջև:

Հոդվածի հեղինակ Մեսութ Քարիփը, ով նախկին պետական ծառայող է, ներկայացրել է այլ երկրների տվյալներ, ըստ որոնց Ֆիլանդիայում պետական ծառայող է ամեն 10-րդը, Կանադայում՝ ամեն 12-րդը, ԱՄՆ-ում և Հունգարիայում՝ 13-րդը, Իռլանդիայում՝ 14-րդը, Գերմանիայում ու Հոլանդիայում՝ 19-րդը, Իսպանիայում ու Իտալիայում՝ ամեն 25-րդը: Թուրքիայում պետական ծառայող է հանդիսանում միայն ամեն 30-րդը: Թուրքիայում այժմ կա 2.766.000 պետական ծառայող, որոնց 42%-ն աշխատանքի է ընդունվել վերջին 12 տարիների ընթացքում: Աձնակազմի առումով ամենամեծ աճը գրանցվել է 2012-ին, երբ պետական ծառայության է ընդունվել շուրջ 270.000 մարդ:

Քարիփը տարբեր համեմատություններով ցույց տալով, որ Թուրքիայում ծառայողների թիվը տոկոսային հարաբերությամբ ավելի քիչ է քան եվրոպական երկրներում, անցնում է վարձատրությունների համեմատությանը: Թուրքիայում պետական ծառայողի միջին աշխատավարձը հասնում է 683 եվրոի, իսկ ավելի շատ պետական ծառայող ունեցող Եվրոպան վճարում է միջինը մինչև 3000 եվրո: Ըստ Քարիփի՝ աշխատավարձի քառակի տարբերությունը լուրջ մտածելու տեղիք է տալիս:

Վերջում անդրադառնում է թոշակի գնացած ծառայողներին: Քարիփի խոսքերով հանգստի գնացած Եվրոպացի ծառայողները կարողանում են մակամսյա արքայական հանգիստ վայելել Անթալիայում, իսկ թուրքերը արժանավայել ապրելու համար ստիպված են լինում որևէ գործ գտնել իրենց համար, ու դեռ աշխատավարձի 20 %-ն էլ ստիպված են լինում տալ Սոցիալական ապահովության վարչությանը:

Ermenihaber.am