Դավութօղլու. «Իսկ եթե Աբխազիան ասի` ես էլ եմ ցանկանում Ռուսաստանին»

Քաղաքական14:06, 19 Մարտ 2014

Դավութօղլու. «Իսկ եթե Աբխազիան ասի` ես էլ եմ ցանկանում Ռուսաստանին»

Թուրքիայի արտաքին գործերի նախարար Ահմեթ Դավութօղլուն, հադնես գալով հեռուստաեթերից, խոսել է Ղրիմի կարգավիճակի վերաբերյալ անցկացված հանրաքվեի հարցին: Նախարարը վերահաստատել է Անկարայի պաշտոնական դիրքորոշումն այն մասին, որ Ղրիմի հանրաքվեն օրինական հիմքերից զուրկ է, հակասում է միջազգային իրավական նորմերին և խախտում է Ուկրաինայի տարածքային ամբողջականության ու ինքնիշխանության սկզբունքները:

«Եթե Աբխազիան ասի` ես էլ եմ ցանկանում Ռուսաստանին միանալ, եթե Օսեթիան էլ նույնը անի, ասի` ուզում եմ Հայաստանի կողմից անեքսիայի ենթարկվել և այդ ամենը որոշ երկրերի կողմից ընդունելի դիտվի, ապա արդյունքում հակամարտություններից բացի ուրիշ ոչ մի բանի պետք չէ սպասել: Իսկ եթե այս պահին հակամարտություն չի սկսվել, դա չի նշանակում, թե հակամարտության պատճառներ չկան, դա նշանակում է, որ համարտել կարողանալու չափ ուժեղ Ուկրաինա չկա»,- ասել է նախարարը:

Հարցին, թե Ռուսաստանի և Արևմուտքի միջև խորացող ճգնաժամն ինչ հետևանքներ կունենա Թուքրիայի համար, Դավութօղլուն ի պատասխան ասել է, որ որպես ՆԱՏՕ-ի անդամ երկիր Թուրքիան գտնվում է արևմտյան բլոկի մեջ: Բայց լինել ՆԱՏՕ-ի անդամ դեռ չի նշանակում անպայման լինել հակասության մեջ Ռուսաստանի հետ: Ընդգծել է, որ անկախ ամեն ինչից` միշտ էլ կարևոր նշանակություն է տրվել Ռուսաստանի հետ հարաբերություններին:

Դավութօղլուն նաև նշել է, որ Անկարան նպատակադրված է ապահովել Ղրիմի թաթարների (էթնիկ թուրքեր) անվտանգությունը:

Ermenihaber.am