Թուրքիայում սեռական փոքրամասնությունների «բարեկամ» 4 թեկնածուներ հաղթել են ՏԻՄ ընտրություններում

Քաղաքական14:25, 01 Ապրիլ 2014

Թուրքիայում սեռական փոքրամասնությունների «բարեկամ» 4 թեկնածուներ հաղթել են ՏԻՄ ընտրություններում

Թուրքիայում լեզբուհիների, գեյերի, երկսեռականների և տրանսսեքսուալների (ԼԳԲՏ) «բարեկամ» 4 եկնածուներ հաղթել են Տեղական ինքանկառավարման Մարմինների ընտրություններում:

Թուրքական «internethaber» լրատվական կայքի տեղեկացմամբ` սեռական փոքրամասնություններին աջակցող գործիչներից 3-ը ընդդիմադիր «Ժողովրդահանրապետական կուսակցության» (ԺՀԿ-CHP) իսկ մեկը` քրդական «Խաղաղություն և ժողովրդավարություն կուսակցության» (BDP-ԽԺԿ) անդամ են:

Հիշեցնենք, որ 2014-ի մարտի 30-ին Թուրքիայում կայացած ՏԻՄ ընտրությունների արդյունքում վարչապետ Ռեջեփ Թայիփ Էրդողանի գլխավորած «Արդարություն և զարգացում» կուսակցությունը հաղթել էր մրցակից կուսակցություններին:

Իշխանական ԱԶԿ (Արդարություն և զարգացում կուսակցություն) – 45. 53 %
Ընդդիմադիր ԺՀԿ (Ժողովրդահանրապետական կուսակցություն) – 27. 88 %
Ընդդիմադիր ԱՇԿ (Ազգայնական շարժում կուսակցություն) – 15. 20 %
Քրդական ԽԺԿ (Խաղաղություն և ժողովրդավարություն կուսակցություն) – 4.04 %