The Economist-ը` Էրդողանին. «Ողորմած եղիր, ով մեծ սուլթան»

Տարածաշրջան10:55, 04 Ապրիլ 2014

The Economist-ը` Էրդողանին. «Ողորմած եղիր, ով մեծ սուլթան»

Թուրքիայի վարչապետ Ռեջեփ Թայիփ Էրդողանը հետզհետե ավելի շատ է դրսևորում ավտորիտար գործչի վարքագիծ: Նման դիտարկում է արել բրիտանական հանրահայտ «The Economist» ամսագիրը: «Ողորմած եղիր, ով մեծ սուլթան» վերտառությամբ հոդվածում գրված է, որ 1990-ականների քաոսից հետո Էրդողանի իշխանավարության առաջին տասնամյակում Թուրքան կայունանում ու ծաղկում էր:

«Դա պայմանավորված էր 2 հզոր հանգամանքով. Առաջին` «Արժույթի միջազգային հիմնադրամ»-ի (ԱՄՀ) և ֆինանսական շուկաների կողմից աջակցվող ճիշտ մակրոտնտեսական քաղաքակունություն և երկրորդ` Էրդողանի կողմից 2005-ին Թուրքիայի եվրաինտեգրման բանակցությունների սկսումով ստեղծված ԵՄ անդամակցության հավանականությունն էր: Հիմա Թուրքիան այս երկուսը կորցնելու վտանգին դեմ հանդիման է»,- գրում է պարբերականը:

Նշվում է նաև Թուրքիայի նախագահական ընտրություններում Էրդողանի առաջադրվելու ակնհայտ մտադրության մասին: Որոշ մարդիկ հույս ունեն, որ նախագահ ընտրվելով Էրդողանը Թուրքիայի Հանրապետության հիմնադրման 100 ամյակին` 2023 թվականին կլինի այդ պաշտոնին և Աթաթուրքից հետո կլինի Թուրքիայի ամենամեծ առաջնորդը:

«Աթաթուրքն էլ իհարկե ավտորիտար հակումներ ուներ, բայց նա թուրքերի կողմից հիշվում է որպես միավորող առաջնորդ: Եթե Էրդողանն էլ է ցանկանում նման կերպ հիշվել, ապա նա պետք է գործի ոչ թե միայն իրեն աջակցած մարդկանց, այլ բոլոր թուրքերի շահերը ներկայացնող ուղեգծով»:

Ermenihaber.am