Դավութօղլուն այցելել է հայոց պատրիարքին և քեսաբահայերին օգնելու պատրաստակամություն հայտնել

Քաղաքական07:25, 04 Ապրիլ 2014

Դավութօղլուն այցելել է հայոց պատրիարքին և քեսաբահայերին օգնելու պատրաստակամություն հայտնել

Նյու Յորքում պաշտոնական հանդիպումների մեջ գտնվող Թուրքիայի արտգործնախարար Ահմեթ Դավութօղլուն հանդիպում է ունեցել լրագրողների հետ: Թուրքիայում արգելափակված սոցկայքերի վերաբերյալ Դավութօղլուն պարզաբանում է տվել, որ Twitter-ի արգելափակումը մասնավոր, իսկ YouTube-ի արգելափակումը ազգային անվտանգության հարց է:

Անդրադառնալով սիրիական հայաբնակ գյուղաքաղաք Քեսաբի զարհուրելի դեպքերին` արտգործնախարարը լրագրողներին տեղեկացրել է, որ Թուրքիան պատրաստ է ընդունել ապաստան հայցող ներգաղթյալներին` առանց որևէ էթնիկ կամ կրոնական խտրականության:

«Ես այցելել եմ Պոլսի հայոց պատրիարքին և նրան հայտնել մեր պատրաստակամության մասին` ամեն տեսակ օգնություն ցուցաբարելու այնտեղ (Քեսաբ) դժվար դրության մեջ գտնվող իրենց մերձավորներին»,- ըստ թուրքական «Մայնեթ» լրատվական կայքի` մանրամասնել է Դավութօղլուն:

Հիշեցնենք, որ Քեսաբի վրա զինված հարձակում իրականացրած իսլամիստ ծայրահեղական խմբավորումները անարգել Սիրիա էին ներխուժել թուրքական սահմանի անցկատերից, ինչ մասին կան բազմաթիվ վկայություններ, նույնիսկ` ապացուցող տեսագրություն:

Ermenihaber.am