Թուրքիայի միակ հայկական գյուղը չի ցանկանում կորցնել իր անունը

Տարածաշրջան13:30, 07 Ապրիլ 2014

Թուրքիայի միակ հայկական գյուղը չի ցանկանում կորցնել իր անունը

Թուրքիայի միակ հայկական գյուղը՝ Վաքըֆլըն, որը գտնվում է Հաթայ նահանգի կազմում, նահանգի կազմում համանուն քաղաքային մեծ շրջան ձևավորվելու հետևանքով վերածվել է թաղամասի՝ անվանվելով «Վաքըֆլը թաղամաս»:

35 տնտեսություն և 135 բնակիչ ունեցող հայկական Վաքըֆլըի բնակիչները ցանկանում են, որ իրենց գյուղը «Վաքըֆլը թաղամաս»-ի փոխարեն անվանվի «Վաքըֆլը գյուղ թաղամաս»:

Հայկական «Ակօս» երկլեզու թերթի տեղեկացմամբ՝ 21 տարի Վաքըֆլըի գյուղապետ հանդիսացող 53-ամյա Պերճ Քարթունը նշելով, որ Թուրքիայում իրենց գյուղը միակ հայկական գյուղն է, և որ իրենց գյուղը թե՛ Թուրքիայում, թե՛ նրա սահմաններից դուրս Վաքըֆլը անվանումով է ճանաչվում, ասել է. «Սրանից առաջ որպես գյուղ ենք ճանաչվել ու այդպես ենք հիշվում: Մեր գյուղի անվանման վերացումը մեզ վշտացնում է: Ուզում ենք, որ գոնե «Վաքըֆլը Գյուղ թաղամաս» անվանվի: Մեր գյուղի անվանումը պահպանելու համար նախաձեռնությամբ ենք հանդես եկել: Տա Աստված «վերևները» դրան կարևորություն տան»:

Ermenihaber.am