Թուրք հեղինակին հետաքրքրում է, թե ինչու է ԱՄՆ-ն լռում, որ Քեսաբը գրոհած զինյալները Թուրքիայի տարածքն են օգտագործել

Քաղաքական13:39, 07 Ապրիլ 2014

Թուրք հեղինակին հետաքրքրում է, թե ինչու է ԱՄՆ-ն լռում, որ Քեսաբը գրոհած զինյալները Թուրքիայի տարածքն են օգտագործել

Թուրքիայի պաշտոնական շրջանակները համառորեն հերքում են իրենց կապը կամ աջակցությունը Սիրիայում Ասադի զորքերի դեմ պատերազմող «Ալ Նուսրա» և «Իսլամական ճակատ» խմբավորումների հետ: Թուրքական «Հյուրրիյեթ» պարբերականի սյունակագիր Թոլգա Թանըշը ուշադրություն է հրավիրել այդ հարցում Միացյալ Նահանգների խուսափողական լռության վրա:

Թանըշը նախ հիշեցնում է, որ մարտի 21-ին իսլամիստ գրոհայիններիս սկսած Լաթաքիայի օպերացիան տեղի ունեցավ այն բանից հետո, երբ զինված խմբավորումները Թուրքիայից անարգել անցան սիրիական սահմանը: Հոդվածի հեղինակը նշում է, որ նույիսկ տեսագրություն հայտնվեց համացանցում, թե ինչպես են հայաբնակ Քեսաբ բնակավայրը գրոհող «Ալ Նուսրա»-ի զինյալներն օգտագործում Թուրքիայի տարածքը Սիրիա ներխուժելու համար:

«Բայց չգիտես ինչու, ԱՄՆ պետքարտուղարույթյունն այս հարցով երբեք որևէ մեկնաբանություն չի անում: Դեռ նույնիսկ քեսաբահայերի տեղահանության համար մեղադրում է «Իրաքի և Շամի իսլամական պետություն» կազմակերպությանը` առանց հիշատակելու «Ալ Նուսրա»-ի մասին»,- գրում է հեղինակը:

Ermenihaber.am