Թաներ Յըլդըզ. «Գազի մեր ուզած էժան սակագնի միակ ճանապարհը Հյուսիսային Իրաքն է»

Տնտեսական09:58, 09 Ապրիլ 2014

Թաներ Յըլդըզ. «Գազի մեր ուզած էժան սակագնի միակ ճանապարհը Հյուսիսային Իրաքն է»

Թուրքիայի և հյուսիսիրաքյան Քուրդիստանի միջև կնքված պայմանագրի շրջանակներում ընթացող էներգետիկ համագործակցությունը դանդաղորեն զարգանում է, թեև միջազգային որոշ հարթակներում դա խնդրահարույց քննարկումներ է առաջ բերել: Այս մասին ընդգծում է թուրքական «մեմուրլար» լրատվականը` հայտնելով որ Իրաքի հյուսիսում արդյունահանվող գազի առևտրում «BOTAŞ»-ը և Թուրքիայի նոր էներգետիկ կազմակերպությունը` «TEC», 2 տարում կարող են 2 մլրդ դոլարի օգուտ ստանալ:

Սկսյալ 2017 թվականից հյուսիսիրաքյան բնական գազը կարտահանվի Թուրքիա: Արտահանումը կսկսվի 4 մլրդ խմ ծավալով և ժամանակի ընթացքում կհասնի մինչև 20 մլրդ խմ-ի: Թեև դեռ պաշտոնական տեղեկություն չկա գազի սակագնի վերաբերյալ, բայց, ըստ նույն աղբյուրի, ամենայն հավանականությամբ դա կլինի 250 դոլար 1000 խմ բնական գազի համար:

Թուրքիայի էներգետիկայի և բնական պաշարների նախարար Թաներ Յըլդըզն այս թեմայով պարզաբանում է տվել` ասելով. «Գազի մեր ուզած էժան սակագնի միակ ճանապարհը Հյուսիսային Իրաքն է: Դրանից բացի այլ հնարավորություն չունենք»:

Ermenihaber.am