Թուրքիայի գլխավոր ընդդիմադիրի վրա հարձակվողը Էրդողանի կուսակցությունից է

Քաղաքական11:51, 09 Ապրիլ 2014

Թուրքիայի գլխավոր ընդդիմադիրի վրա հարձակվողը Էրդողանի կուսակցությունից է

Թուրքիայի իշխող «Արդարություն և զարգացում» կուսակցության (ԱԶԿ-AKP) մամուլի քարտուղար Հուսեյն Չելիքը, անդրադառնալով նախօրեին ընդդիմադիր գործիչ Քեմալ Քըլըչդարօղլուի վրա հարձակմանը, «Twitter» սոցիալական կայքում գրառում է կատարել:

Գրառման մեջ Չելիքը նշել է, որ պարզվել է, որ հարձակվողը` Օրհան Օվերթը, վարչապետի գլխավորած «ԱԶԿ» կուսակցության անդամ է:

«Պարզվել է, որ հարգելի Քըլըչդարօղլուի վրա հարձակված Օրհան Օվերթը 2012 թվականին անդամագրվել է մեր կուսակցություն, դեպքից անմիջապես հետո նա հեռացվեց կուսակցությունից»,-գրել է Չելիքը:

Հիշեցնենք, որ նախօրեին Թուրքիայի խորհրդարանում երկրի գլխավոր ընդդիմադիրը`Ժողովրդահարապետական կուսակցության (CHP-ԺՀԿ) ղեկավար Քեմալ Քըլըչդարօղլուն հարձակման է ենթարկվել: «ԺՀԿ» խորհրդարանական խմբակցության ժողովից առաջ, խորհրդարանի միջանցքով անցնելիս, Քեմալ Քըլըչդարօղլուի վրա հարձակվել է անհայտ անձը և բռունցքներով հարվածներ հասցրել: Սա տեսնելով` Քըլըչդարօղլուի կուսակիցնրեը վրա են հասել ու դաժան ծեծի ենթարկել հարձակվողին:

Ermenihaber.am