ԱՄՆ սենատի հանձնաժողովը կքննի Հայոց ցեղասպանության ճանաչման վերաբերյալ բանաձևը

Քաղաքական08:30, 10 Ապրիլ 2014

ԱՄՆ սենատի հանձնաժողովը կքննի Հայոց ցեղասպանության ճանաչման վերաբերյալ բանաձևը

ԱՄՆ սենատի արտաքին հարաբերությունների հանձնաժողովը կքննի հանձանժողովի նախագահ Ռոբերտ Մենենդեսի և սենատոր Մարք Քիրքի կողմից ներկայացված բանաձևը, որով ԱՄՆ-ի նախագահին կոչ է արվում ջանքեր գործադրել` ճշմարտության հիման վրա հայ-թուրքական արդար և կառուցողական հարաբերությունների ձևավորման ուղղությամբ, որի հիմքում պետք է ընկած լինի Թուրքիայի կողմից Հայոց ցեղասպանության արդար ճանաչումը:

Ամերիկայի Հայ դատի հանձնախմբի հաղորդագրության համաձայն` ԱՄՆ սենատի արտաքին հարաբերությունների հանձնաժողովի նախագահ Մենենդեսը շեշտել է, որ Հայոց ցեղասպանությունը զարհուրելի և փաստերով ապացուցված իրականություն է, որը երբեք հնարավոր չէ հերքել:

«Այս բանաձևն ամենավճռական եղանակով վերահաստատում է, որ մենք միշտ կհիշենք այս ողբերգությունը և կհարգենք հայ անմեղ զոհ գնացած տղամարդկանց, կանանց և երեխաների հիշատակը, որոնք սպանվել են և վտարվել իրենց հայրենիքից: Հայոց ցեղասպանության մասին պետք է ուսուցանել, այն պետք է ճանաչել և պետք է հարգել դրա զոհերի հիշատակը՝ կանխելու համար նման ոճրագործությունների կրկնումը», - ներկայացնելով բանաձևը՝ ասել է սենատոր Մենենդեսը:

Ermenihaber.am