Դավութօղլուն զգուշացրել է ԱՄՆ-ին, որ Թուրքիան լուռ չի մնա, եթե ցեղասպանության բանաձևը մտնի սենատի օրակարգ

Քաղաքական07:18, 15 Ապրիլ 2014

Դավութօղլուն զգուշացրել է ԱՄՆ-ին, որ Թուրքիան լուռ չի մնա, եթե ցեղասպանության բանաձևը մտնի սենատի օրակարգ

Թուրքիայի արտգործնախարար Ահմեթ Դավութօղլուն Մեխիկոյում մասնակցել է Մեքսիկայի, Ինդոնեզիայի, Հարավային Կորեայի, Ավստրալիայի արտաքին գործերի նախարարների ոչ պաշտոնական հանդիպմանը: Այնուհետև Դավութօղլուն պատասխանել է օրակարգային նշանակության մի շարք հարցերի: Հայոց ցեղասպանության միջազգային ճանաչման հարցում տեղի ունեցող զարգացումներին ևս անդրադարձել է Թուրքիայի արտաքին քաղաքական գերատեսչության ղեկավարը:

Ըստ թուրքական «Մեմլեքեթ» լրատվական կայքի` Դավութօղլուն Նախազգուշացրել է, թե եթե ԱՄՆ սենատի արտաքին հարաբերությունների հանձնաժողովի ընդունած ցեղասպանության բանաձևը սենատի և ներկայացուցիչների պալատի օրակարգ մտնի, ապա Անկարան լուռ չի մնալու: Նախարարը տեղեկացրել է, որ բանաձևի ընդունումից հետո այդ թեմայով չի զրուցել ԱՄՆ պետքարտուղար Ջոն Քերրիի հետ, բայց շեշտել է, որ Անկարան ոչ մի դեպքում քաղաքական շահարկումներ թույլ չի տալու: Նա նաև հույս է հայտնել, որ այդ օրինագիծը չի ներառվի սենատի օրակարգ:

«Եթե բանաձևը մուտք գործի սենատի կամ ներակայացուցիչների պալատի օրակարգ, կամ էլ ղեկավարությունից այդօրինակ հայտարարություն արվի, մենք ցույց կտանք այն ռեակցիան, ինչը ցույց ենք տվել նախկինում: Թող ոչ ոք չսպասի, թե Թուրքիան լուռ կմնա»,- նշել է Դավութօղլուն`հավելելով, որ բանաձևի այս փուլով չեն վնասվի թուրք-ամերիկյան հարաբերությունները: Բայց հետագայում եթե նոր զարգացումներ լինեն, անշուշտ կազդեն:

Ermenihaber.am