Էրդողանը մեղադրել է գյուլենականներին հայկական լոբբիի հետ համագործակցելու և ֆինանսավորելու մեջ

Քաղաքական12:57, 15 Ապրիլ 2014

Էրդողանը մեղադրել է գյուլենականներին հայկական լոբբիի հետ համագործակցելու և ֆինանսավորելու մեջ

Թուրքիայի կառավարության ղեկավար Ռեջեփ Թայիփ Էրդողանը դժգոհել է այն լրատվամիջոներից, որոնք լուրեր են տարածել Սիրիայում քիմիական զենքի կիրառման մեջ Թուրքիայի մասնակցության մասին: Վարչապետը դա Թուրքիայի դեմ ուղղված սև քարոզչություն է անվանել` հերքելով Անկարայի որևէ կարգի մասնակցությունը Սիրիայում քիմիական զենքի գործադրման հարցերում:

Էրդողանը նշել է, որ «հայտնի շրջանակները» (նկատի ունի գյուլենակյաններին,- խմբ.) ցանկանում են Թուրքիան աշխարհին ներկայացնել իբրև ահաբեկչությունը հովանավորող պետություն: Նա այդ «հայտնի շրջանակներ»-ի գործողությունները որակել է դավաճանություն և դատապարտել Թուրքիայի հեղինակազրկմանն ուղղված նրանց ջանքերը: Էրդողանի համոզմամբ` մարտի 30-ին կայացած տեղական ինքնակառավարման մարմինների ընտրություններում (ՏԻՄ) պարտվելուց հետո գյուլենականներն անցել են վերոնշյալ գործողություններին:

«Նրանք նույն այդ սև քարոզչությունը կատարում են նաև ԱՄՆ-ում: Համագործակցելով հայկական լոբբիստական ուժերի հետ և նրանց մինչևիսկ ֆինանսական աջակցություն ցույց տալով` Թուրքիայի դեմ բացահայտ վարկաբեկիչ արշավներ են իրականացնում»,- ասել է Էրդողանը:

Ermenihaber.am