Թուրքիան եթե ԱՄՆ-ից պահանջի հանձնել Գյուլենին, ԱՄՆ-ն կընդառաջի

Քաղաքական12:31, 16 Ապրիլ 2014

Թուրքիան եթե ԱՄՆ-ից պահանջի հանձնել Գյուլենին, ԱՄՆ-ն կընդառաջի

Թուրքիայի իշխանական «Արդարություն և զարգացում» կուսակցության նախագահ` վարչապետ Ռեջեփ Թայիփ Էրդողանի օգնական Մեհմեթ Ալի Շահինը կիսվել է Անկարայում ԱՄՆ դեսպան Ֆրենսիս Ռիկարդոնեի հետ հանդիպումից ստացած տպավորություններով: Շահինը տեղեկացրել է, որ դեսպանի հետ հանդիպմանը անդրադարձ է կատարվել ամերիկաբնակ թուրք առաջնորդ Ֆեթուլլահ Գյուլենի գործունեությանը ու նրա ղեկավարած հայտնի իսլամական (գյուլենական) շարժմանը:

Թուրքական «Կանալ 24»-ի թղթակցի հետ զրույցում Մեհմեթ Ալի Շահինը պատմել է հետևյալը. «Պրն դեսպանի հետ մենք քննարկեցինք Գյուլենի ղեկավարած խմբի գործունեությունը: Գիտեինք, որ գյուլենական համայնքը իրենից ներկայացնում է կրոնակրթական գործերով զբաղվող կառույց, բայց վերջին ժամանակներս տեսնում ենք, որ նաև քաղաքական երանգ է ստացել»:

Միևնույն ժամանակ Շահինը նշել է, որ դեսպան Ռիկարդոնեից այսիպսի մի տպավորություն կամ ուղերձ է ստացել, այն է. եթե Թուրքիան ԱՄՆ-ից պահանջի հանձնել Ֆեթուլլահ Գյուլենին, ապա ԱՄՆ-ն կընդառաջի այդ պահանջին:

Հիշեցնենք, որ թուրքական իշխանությունները առճակատման մեջ են գյուլենական ուժերի հետ ու Ֆեթուլլահ Գյուլենին մեղադրում են Թուրքիան վարկաբեկող և պառակտող գործունեություն ծավալելու համար:

Ermenihaber.am