Հանդիպել են թուրք և ֆրանսիացի խորհրդարանականները

Քաղաքական07:05, 17 Ապրիլ 2014

Հանդիպել են թուրք և ֆրանսիացի խորհրդարանականները

Թուրքիայի խորհրդարանի փոխնախագահ Այշե Նուր Բահչեքափըլըն ընդունել է Ֆրանսիայի խորհրդարանի և սենատի Թուրքիայի հետ բարեկամության խմբերի նախագահներ Քրիստոֆ Բուիլոնի և Ժերարդ Լարչերի գլխավորած պատվիրակությանը: Բահչեքափըլըն ընդգծել է մյուս եվրոպական երկրների նման Ֆրանսիայի կարևորության մասին և արժևորել այդ երկրի հետ ունեցած Թուրքիայի պատմաքաղաքական կապերը:

Հանդիպման ժամանակ կողմերը խոսել են նաև Հայոց ցեղասպանության հարցի` թուրք-ֆրանսիական հարաբերությունների վրա ունեցած ազդեցությունների մասին: Քրիստոֆ Բուիլոնը թուրք գործընկերներին հիշեցրել է, որ Հայոց ցեղասպանության հերքումը քրեականացնող օրինագծի տապալման մեջ զգալի ջանքեր էին ներդրել, որպեսզի չխաթարվեն Ֆրանսիա-Թուրքիա հարաբերությունները:

Թուրքիա-ԵՄ խառը խորհրդարանական հանձնաժողովի համանախագահ Աֆիֆ Դեմիրքրանն էլ նշել է, որ 1915-ին տեղի ունեցած իրադարձությունները պետք է նյութ դառնան ոչ թե ընտրված քաղաքական գործիչների, այլ հետազոտող պատմաբանների համար: Նրա համոզմամբ` Հայոց ցեղասպանության հարցը զգալի հարվածներ է հասցրել ֆրանս-թուրքական հարաբերություններին:

«Այսօր մենք ցանկանում ենք, որ երրորդ երկրների մասնակցությամբ ստեղծվի պատմաբանների հանձնաժողով, որը կուսումնասիրի ոչ միայն Թուրքիայի, այլ նաև Հայաստանի, Ֆրանսիայի, Գերմանիայի արխիվները: Դրանից հետո բոլորը կգան ինչ-որ ընդհանուր հայտարարի»,- ըստ «Հաբեր 3» լրատվական կայքի` ասել է Դեմիրքրանը:

Ermenihaber.am