Եվս մեկ քեսաբահայ անցել է Թուրքիա

Տարածաշրջան07:56, 22 Ապրիլ 2014

Եվս մեկ քեսաբահայ անցել է Թուրքիա

Սիրիացի ապստամբները Թուրքիային են հանձնել ևս մեկ քեսաբցի հայի: Թուրքական «Սոնդաքիքա» լրատվական կայքի տեղեկացմամբ` 72-ամյա Ջորջ Քուրդմուսյանը Յայլադաղի անցակետով անցել է թուրք-սիրիական սահմանը: Թուրքիայում Քուրդմուսյանը բուժզննում է անցել: Նրա մարմնի վրա հայտնաբերվել են տարբեր աստիճանի վիրավորումներ:

Ավելի վաղ տեղեկացվել էր, որ երկու տարեց հայ կին է Քեսաբ ներխուժած ընդդիմադիր ուժերի կողմից հանձնվել թուրք սահմանապահներին, վերջիններս էլ նրանց տեղափոխել են Թուրքիայի միակ հայկական Վաքըֆլը գյուղի իրենց ազգականների մոտ:

Նշենք, որ թուրք-սիրիական սահմանի հարևանությամբ Սիրիայի Քեսաբ շրջանում մարտի 21-ին սկսած գործողության ժամանակ հայերը լքել էին իրենց բնավայրերը՝ այդպիսով փրկվելով իսլամիստ զինյալներից, որոնք գրոհել էին բնակավայրը Թուրքիայի տարածքից և կարողացել էին Սիրիայի զինված ուժերի դիրքերի ուղղությամբ առաջանալ։ Հայերը շտապ տեղափոխվել էին Լաթաքիա, ուր իրավիճակը հանգիստ է, իսկ Քեսաբն անցել էր զինյալների խմբեր վերահսկողության տակ:

Ermenihaber.am