Aksam. Ամեն տարի «Մեծ եղեռն» արտահայտությունն օգտագործող Օբաման այս տարի ևս նույն կանի

Քաղաքական07:06, 23 Ապրիլ 2014

Aksam. Ամեն տարի «Մեծ եղեռն» արտահայտությունն օգտագործող Օբաման այս տարի ևս նույն կանի

Հայաստանը և Թուրքիան, հայկական սփյուռքն ու թուրքականը ամեն տարի ապրիլի 24-ին սպասում են ԱՄՆ նախագահի` հայ ժողովրդին ուղղված ցավակցական ուղերձի բովանդակությանը, ավելի ստույգ` օգտագործվող բառամթերքին:

Թուրքական իշխանությունների հովանավորությունը վայելող «Աքշամ» օրաթերթը նշում է, որ այս տարի Օբամայի ապրիլքսանչորսյան ուղերձում «ցեղասպանություն» եզրաբառի փոխարեն հնչելու է «Մեծ եղեռն» ձևակերպումը:

Պարբերականը հիշեցնում է, որ 2008-ի նախագահական ընտրությունների քարոզարշավի ժամանակ թեկնածու Օբաման 1915-ի եղելությունը անվանում էր ցեղասպանություն, իսկ նախագահ դառնալուց հետո չի օգտագործել այդ եզրաբառը, ասել է միայն, որ այդ հարցում իր անձնական կարծիքը չի փոխվել:

«Սպասվում է, որ ամեն տարի Մեծ եղեռն ձևակերպումն օգտագործող Օբաման այս տարի ևս նույն դիրքերից հանդես կգա»,- գրում է «Աքշամ»-ը` ընդգծելով այն հանգամանքը, որ հայկական լոբբիի հիմնական ուշադրությունն ու ծրագրերը կենտրոնացած են 100 ամյակի վրա` 2015-ին:

Ermenihaber.am