Թուրքական լրատվամիջոցներն արձագանքել են ՀՀ նախագահի ապրիլքսանչորսյան ուղերձին

Տարածաշրջան06:46, 24 Ապրիլ 2014

Թուրքական լրատվամիջոցներն արձագանքել են ՀՀ նախագահի ապրիլքսանչորսյան ուղերձին

Թուրքական էլեկտրոնային լրատվամիջոցներն արձագանքել են ՀՀ նախագահ Սերժ Սարգսյանի` Հայոց ցեղասպանության զոհերի հիշատակի օրվա կապակցությամբ հղած ուղերձին: Հրապարակված նյութերում ընդգծված առանձնացվում են ՀՀ նախագահի ուղերձի հետևյալ մտքերը.

1. Անդրադարձ չեղավ Էրդողանի հղած ապրիլքսանչորսյան ցավակցական ուղերձին:

2. Թուրքիան շարունակում է ժխտողականույունը:

3. Թուրքերը մեր թշնամին չեն:

4. Հիշեցում հայ-թուրքական արձանագրությունների մասին:

ՀՀ նախագահի ուղերձում տեղ գտած «Թուրքիայի հասարակությանը չենք դիտում որպես թշնամի» մտքը հատկապես շատ է շրջանառվում վերնագրերի տեսքով ու հետևյալ վերաձևակրեպմամբ` «Թուրքերը մեր թշնամին չեն»:

Մասնավորապես «Հյուրրիյեթ» պարբերականի էլ-կայքը նշում է, որ ՀՀ նախագահի ուղերձում երախտագիտություն է արտահայտվել Ցեղասպանության ժամանակ հայերին օգնության ձեռք մեկնած մարդասեր թուրքերին: «T24» լրատվականն էլ նկատել է տալիս, որ Թուրքիայի ժխտողականությունը Հայաստանի կողմից ընկալվում է ցեղասպանության` որպես հանցագործության շարունակություն:

Ermenihaber.am