Թուրք դիվանագետ. «Էրդողանի ուղերձը և Անկարայի 3 ակնկալիքը»

Քաղաքական12:08, 25 Ապրիլ 2014

Թուրք դիվանագետ. «Էրդողանի ուղերձը և Անկարայի 3 ակնկալիքը»

1915-ին տեղահանված կամ սպանված օսմանցի հայերի ժառանգներին ապրիլի 23-ին հղելով ցավակցական ուղերձ` Թուրքիայի իշխանություններն ունեցել են 3 հիմնական ակնկալիք: Այդ մասին թուրքական «Ջումհուրիյեթ» պարբերականին հայտնել է մի թուրք դիվանագետ, որը, սակայն, նախընտրել անանուն հանդես գալ:

Ըստ վերջինիս հաղորդած տեղեկության` այդ ակնկալիքներն են.

1. Վաշինգտոնը փոխի տեսակետը 1915-ի իրադարձությունների վերաբերյալ:

2. Հայկական սփյուռքը փոփոխության ենթարկի իր մոտեցումները:

3. Բանակցային գործընթացի վերակենդանացման համար Երևանը քայլ կատարի:

Նշվում է, որ հայությանը ցավակցական ուղերձ հղելու մասին որոշումը կայացվել է դեռևս 2013 թվականին: Դիվանագետը նաև տեղեկացրել է, որ հաջորդ տարի ևս սպասվում է թուրքական կառավարության ապրիլքսանչորսյան ուղերձ:

«Այժմ արդեն կոտրվել է ցավալի իրադարձությունների հանդեպ եղած տաբուն: Ըստ էության արդեն ոչ ոք չի հերքում, որ վատ բաներ են տեղի ունեցել»,- նշել է թուրք դիվանագետը:

Ermenihaber.am