Բյուլենթ Արընչ. «Նախագահական ընտրություններում ԱԶԿ-ի թեկնածուն Էրդողանն է լինելու»

Տարածաշրջան09:52, 05 Մայիս 2014

Բյուլենթ Արընչ. «Նախագահական ընտրություններում ԱԶԿ-ի թեկնածուն Էրդողանն է լինելու»

Թուրքիայի փոխվարչապետ Բյուլենթ Արընչը խոսել է Թուրքիայում կայանալիք նախագահական ընտրությունների և իշխող «Արդարություն և զարգացում» կուսակցության (ԱԶԿ-AKP) հավանական թեկանծուի մասին:

Ըստ թուրքական «Սաբահ» թերթի՝ Արընչը համոզմունք է հայտնել, որ իրենց թեկնածուն Թուրքիայի ներկայիս վարչապետ Ռեջեփ Թայիփ Էրդողանն է լինելու:

«Այլ կերպ մտածող անձինք էլ կլինեն, որոնք դրա համար սեփական հիմնավորումները կունենան: Սակայն այսօր, երբ խոսք է գնում նախագահի թեկնածուի մասին, ապա վստահ ենք, որ մեր թեկնածուն Ռեջեփ Թայիփ Էրդողանն է լինելու»,- հայտարարել է Արընչը՝ նշելով, որ իրենց կուսակցությունը շատ բարձր է գնահատում նաև ներկայիս նախագահ Աբդուլլահ Գյուլի դերը:

Ըստ Արընչի՝ այժմ երկու ընկերներ, բարեկամներ Էրդողանը և Գյուլը միասին պետք որոշեն, թե իրենցից ով է դառնալու նախագահ, իսկ ով՝ կուսկակցության ղեկավար:

Արընչը, անդրադառնալով ընտրություններում ընդդիմադիր կուսակցությունների հնարավորություններին, նշել է, որ ո՛չ «Ժողովրդահանրապետական», ո՛չ էլ «Ազգայնական շարժում» կուսակցությունը հաջողության չեն հասնելու:

«Լրատվամիջոցներն էլ, ժողովուրդն էլ գիտեն, որ ԱԶԿ-ի թեկնածուն է նախագահ դառնալու, անկախ նրանից, թե ով կլինի այդ թեկնածուն: Այս հարցում որևէ կասկած, անհանգստություն չունենք»,-ասել է փոխվարչապետը:

Ermenihaber.am