«Էրդողանը դատվելու է» հոդվածի համար Թուրքիայի վարչապետը դատի է տվել հեղինակին

Տարածաշրջան13:15, 06 Մայիս 2014

«Էրդողանը դատվելու է» հոդվածի համար Թուրքիայի վարչապետը դատի է տվել հեղինակին

Թուրքիայի վարչապետ Ռեջեփ Թայիփ Էրդողանը թուրքական ընդդիմադիր «Ջումհուրիյեթ» թերթի սյունակագիր Ջան Դյունդարի դեմ բողոք է ներկայացրել դատախազություն: Պատճառը Դյունդարի` ապրիլի 18-ին հրապարակած «Էրդողանը դատվելու է» վերտառությամբ հոդվածն է:

Այդ մասին հոդվածագիրը տեղեկացնում է Twitter միկրոբլոգում կատարած իր գրառումով:

«Ես գրել էի, որ Էրդողանը դատվելու է: Վարչապետը դա համարել է իրեն ուղղված վիրավորանք և դատախազություն բողոք ներկայացրել: Բայց ասեմ` դա ոչ թե վիրավորանք է, այլ` ճշմարտություն»,- գրել է Ջան Դյունդարը:

Նշենք, որ իր հոդվածում Դյունդարը հարց էր բարձրացրել, թե ինչու է մոռացության մատնվել Էրդողանի անվան հետ կապված կոռուպցիոն սկանդալը: ՏԻՄ ընտրություններում քվեների 45 տոկոսանոց արդյունք ստանալը, մի՞թե ծածկում են Էրդողանի կատարած ապօրինությունները:

«Վաղ թե ուշ, Էրդողանը դատվելու է»,- եզրափակել էր իր հոդվածը թուրք հեղինակը:

Ermenihaber.am