ԱՄՆ-ն պատրաստվում է առողջապահական խոշոր ներդրումներ կատարել Թուրքիայում

Տնտեսական10:11, 06 Մայիս 2014

ԱՄՆ-ն պատրաստվում է առողջապահական խոշոր ներդրումներ կատարել Թուրքիայում

Ամերիկյան 17 խոշոր առողջապահական ընկերության ներկայացուցիչներ մեկնելու են Թուրքիա` գնահատելու տեղի ներդրումային միջավայրը: Նրանք ընդհանուր առմամբ ավելի քան 400 հանդիպում են անցկացնելու Թուրքիայի 3 խոշոր քաղաքներում` Անկարայում, Ստամբուլում և Իզմիրում: Պետական աջակցություն ստացող ամերիկացի ներդրողները նպատակ ունեն ծանոթանալու թուրքական շուկայի առանձնահատկություններին առևտրա-արդյունաբերական ոլորտին:

Այցի կապակցությամբ տեղեկատվական ժողով գումարած ԱՄՆ-ի առևտրի նախարարության Թուրքիայի հարցերով կոորդինատոր Մայքլ Լեյլին նշել է, որ իրենք մտադիր են զարգացնել այդ երկրի հետ ունեցած առևտրատնտեսական հարաբերությունները:

«ԱՄՆ-ի ու Թուրքիայի միջև առևտրաշրջանառության տարեկան ծավալը 18 մլրդ դոլարից հեշտությամբ կարող ենք հասցնել 30 մլրդ դոլարի: Այս մասին ենք մտորում»,- ըստ թուրքական «Թարաֆ» պարբերականի` տեղեկացրել է ամերիկացի պաշտոնյան:

Ermenihaber.am