Լրանում է Դերսիմում քուրդ ալևիների կոտորածի 77-րդ տարելիցը

Տարածաշրջան07:52, 06 Մայիս 2014

Լրանում է Դերսիմում քուրդ ալևիների կոտորածի 77-րդ տարելիցը

Թուրքիայի հարավ-արևելքում` Դերսիմում (Թունջելի), իրականացված կոտորածից անցել է արդեն ավելի քան 7 տասնամյակ: Չնայած անցել է այդքան ժամանակ, բայց ինչպես գրում է թուրքական «Է-քարաման» լրատվական կայքը, ահավոր ցավը չի մոռացվել և «վերքերը շարունակում են արնահոսել: Նույն աղբյուրի համաձայն`Թուրքիայի ու Եվրոպայի մի շարք վայրերում մարդիկ տարբեր միջոցառումներով հիշատակում են Դերսիմի կոտորածի սգո տարելիցը:

1937-1937թթ. տեղի ունեցած այդ ողբերգական իրադարձությունները թուրքական պատմագրության մեջ նշվում է, որպես Դերսիմի ապստամբություն, իսկ այլ աղբյուրներում նշվում է «Դերսիմի կոտորած»: Թուրքական բանակի ուժային գործողությունների հետևանքով տարբեր հաշվարկներով սպանվել է 70.000-90.000 հազար քուրդ ալևի, իսկ 12.000 մարդ էլ բռնագաղթի ենթարկվեց: Փաստեր կան, որ թուրքական զինուժը Դերսիմում 1937-ին օգտագործել են ավիացիոն ռումբեր և թունավոր գազ, ինչ համար էլ 2011-ին վարչապետ Ռեջեփ Թայիփ Էրդողանը հրապարակավ ներողություն էր խնդրել:

Ermenihaber.am