Թուրք ազգայնականները կողմնակից են ընդդիմության միասնական թեկնածու ունենալուն

Տարածաշրջան09:32, 08 Մայիս 2014

Թուրք ազգայնականները կողմնակից են ընդդիմության միասնական թեկնածու ունենալուն

Թուրքիայի երկրորդ ընդդիմադիր քաղաքական ուժ հանդիսացող «Ազգայնական շարժում» կուսակցության ղեկավար Դևլեթ Բահչելին հանրությանը հայտնել է, որ իրենք աշխատում են գալիք նախագահական ընտրություններում միասնական թեկնածու առաջադրելու գաղափարի շուրջ: Կուսակցական ժողովից հետո լրագրողների հետ ունեցած հանդիպման ժամանակ Բահչելին նա տեղեկացրել է, որ առայժմ այդ հարցով դեռ շփումներ չունեն ընդդիմադիր ժողովրդահանրապետականների հետ, բայց կողմնակից են ընդդիմադիր ճամբարի միասնական թեկնածուով հանդես գալու մարտավարությանը:

Ընդդիմադիր կուսակցապետը նաև քննադատել է վարչապետ Էրդողանի ղեկավարած կառավարության գործունեությունը: Ըստ «Զաման» պարբերականի` Բահչելին ընդգծել է այն հանգամանքը, որ Էրդողանը փաստորեն ազգային անվտանգության հարց չի համարում Քուրդիստանի ստեղծմանը նպաստելը, «Քուրդիստանի բանվորական կուսակցության» (ՔԲԿ-PKK) հետ բանակցությունների նստելը, զիջողական պարտավորագիր ստորագրելը, իսկ ահա կոռուպցիայի ու կաշառակերության ապօրինությունների հրապարակայնացումը ազգային անվտանգության լուրջ հարց է համարում:

Ermenihaber.am