Թուրքիայի ընդդիմության առաջնորդը չի առաջադրելու իր թեկնածությունը նախագահական ընտրություններում

Քաղաքական07:32, 08 Մայիս 2014

Թուրքիայի ընդդիմության առաջնորդը չի առաջադրելու իր թեկնածությունը նախագահական ընտրություններում

Թուրքիայում գլխավոր ընդդիմադիր ուժ հանդիսացող քեմալիստական գաղափարախոսություն դավանող «Ժողովրդահանրապետական» կուսակցության (ԺՀԿ-CHP) առաջնորդ Քեմալ Քըլըչդարօղլուն հանրությանը հայտնել է, որ ինքի չի առաջադրելու իր թեկնածությունն առաջիկա նախագահական ընտրություններում: «Սի էն էն թուրք»-ի հեռուստաեթերից հանդես եկած Քըլըչդարօղլուն անպայման չի համարել, որ կուսակցության լիդերները առաջադրվեն որպես նախագահի թեկնածուներ:

Նա նաև տեղեկացրել է, որ մեկ այլ ընդդիմադիր քաղաքական ուժի` «Ազգայնական շարժում» կուսակցության հետ ԺՀԿ-ականները բանակցությունների մեջ չեն, բայց չի բացառվում, որ կլինեն:

«Մենք պարտադիր չենք ասում թող ընտրվի մեր թեկնածուն: Հանրապետության նախագահ կարող է ընտրվել Սահմանադրական դատարանի նախագահ Հաշիմ Քըլըչը»,- իր խոսքում նշել է Քըլըչդարօղլուն:

Հիշեցնենք, որ հանրապետական Թուրքիայի պատմության մեջ առաջին անգամ երկրի նախագահը կընտրվի հանրաքվեի ճանապարհով: Այն տեղի է ունենալու 2014-ի օգոստոսի 10-ին:

Ermenihaber.am