Գերմանիայի թուրքերը կբոյկոտեն Էրդողանի այցը Քյոլն

Քաղաքական09:53, 19 Մայիս 2014

Գերմանիայի թուրքերը կբոյկոտեն Էրդողանի այցը Քյոլն

Թուրքիայի վարչապետ Ռեջեփ Թայիփ Էրդողանի` մայիսի 24-ին Գերմանիա կատարելիք այցը առաջացրել է այնտեղի թուրքական կազմակերպությունների զայրույթը: Էրդողանը Քյոլնում մասնակցելու է Եվրոպայի թուրք դեմոկրատների միության հիմնման 10-ամյակին նվիրված միջոցառմանը:

Ըստ թուրքական «Սոնդաքիքա» լրատվական կայքի` նույն օրը մի շարք թուրքական հասարակական կազմակերպություններ բողոքի ակցիա կանցկացնեն` ընդդեմ վարչապետի: Ակցիայի մասնակիցների թիվը կկազմի մոտ 10 հազար հոգի: Բողոքի պատճառն այն է, որ Սոմայի աղետի հետևանքները դեռ չվերացված` վարչապետը շարունակում է իրականացնել իր նախընտրական քարոզազարշավը:

Քյոլնի քաղաքապետ Ժյուրգեն Ռոթերսը ևս քննադատելով Էրդողանի այցը ասել է. «Տեղի է ունեցել սարսափելի մի վթար, որը խլել է բազմաթիվ մարդկանց կյանքեր: Պատասխանատու քաղաքական գործիչը այս պայմաններում արտերկրում քարոզարաշավ իրականացնելուց ավելի կարևոր գործեր պետք է ունենա»:

Հիշեցնենք, որ Թուրքիայի արևմտյան Մանիսա նահանգի Սոմա շրջանում գտնվող ած խահանքում մայիսի 13-ին տեղի ունեցած խոշոր վթարի հետևանքով զոհվել է մոտ 300 հանքագործ:

Ermenihaber.am