Օզբիլիս. «Լավ առաջարկի դեպքում` թուրքական թիմում կցանկանամ խաղալ»

Մարզական08:07, 19 Մայիս 2014

Օզբիլիս. «Լավ առաջարկի դեպքում` թուրքական թիմում կցանկանամ խաղալ»

Հայաստանի ֆուտբոլի ազգային հավաքականի կիսապաշտպան, Մոսկվայի «Սպարտակ»-ում հանդես եկող Արազ Օզբիլիսը թուրքական «Fanatik» թերթին տված հարցազրույցում անդրադարձել է շրջանառվող այն խոսակցություններին, թե թուրքական ակումբը պատրաստվում է գնել իրեն «Սպարտակից»: Օզբիլիսը ասել է, որ ապագայի վերաբերյալ առայժմ որևէ որոշում չի կայացրել.

«Այս պահին դեռ վաղ է ինչ-որ բան ասել: Եվ Թուրքիայի և Պրեմիեր Լիգայից որոշ առաջարկներ եմ ստանում: Եթե լավ առաջարկ ստանամ , բնականաբար թուրքական խոշոր թիմում կցանկանամ խաղալ»,-ասել է նա:

Հիշեցնենք, որ ավելի վաղ լուրեր էին տարածվել, որ թուրքական «Գալաթասարայ» ֆուտբոլային ակումբը պատրաստվում է Մոսկվայի Սպարտակ»-ից գնել Արազ Օզբիլիսին:

Նշվում էր, որ Օզբիլիսի համար «Սպարտակ» ֆուտբոլային ակումբի ղեկավարությունը նախնականսահմանել է 10 մլն եվրո տրանսֆերային գին: «Գալաթասարայ»- համապատասխան բյուջեն առայժմ չի բավականացնում նման գումարով գործարքի գնալու համար, բայց, ըստ թուրքական մամուլի ամեն ինչ արվում է Օզբիլիսին ձեռք բերելու համար:

Ermenihaber.am