Cumhuriyet. 301 հանքափորի մահը հետաքրքրել է միայն 78 պատգամավորի

Տարածաշրջան09:06, 22 Մայիս 2014

Cumhuriyet. 301 հանքափորի մահը հետաքրքրել է միայն 78 պատգամավորի

Թուրքիայի ազգային մեծ ժողովում (ԹԱՄԺ - TBMM) նախօրեին նիստ է հրավիրվել` քննարկելու Սոմա ածխահանքի ողբերգական վթարին առնչվող խնդիրներ: Հարյուրավոր զոհեր տված աննախադեպ աղետի քննարկմանը 550 պատգամավորական աթոռ ունեցող Թուրքիայի խորհրդարանում ներկա է գտնվել ընդամենը 78 պատգամավոր:

Թուրքական «Ջումհուրիյեթ» թերթի բնորոշմամբ` 301 հանքափորի մահը հետաքրքրել է միայն 78 պատգամավորի: Օրենսդիրների այդ վիրավորական անտարբերությունը զայրացրել է բազմաթիվ քաղաքացիների, որոնք իրենց դժգոհությունն արտահայտել են սոցիալական ցանցերում: Մասնավորապես Twitter միկրոբլոգի օգտատերերից շատերը համոզմունք են հայտնել, որ եթե աշխատավարձի հարց քննարկվեր, ապա խորհրդարանի ամբողջ կազմը ներկա կլիներ:

Այնուամենայնիվ, սակավամարդ նիստի արդյունքում Թուրքիայի ազգային մեծ ժողովը Սոմայի ածխահանքի վթարն ուսումնասիրող խոհրդարանական հանձնաժողովի ստեղծելու որոշում է ընդունել:

Ermenihaber.am