Մերկելը կոչ է անում Էրդողանին զուսպ լինել

Քաղաքական08:05, 22 Մայիս 2014

Մերկելը կոչ է անում Էրդողանին զուսպ լինել

Գերմանիայի վարչապետ Անգելա Մերկելը Թուրքիայի վարչապետ Ռեջեփ Թայիփ էրդողանին կոչ է արել Քյոլն կատարելիք այցի ժամանակ զսպվածություն ցուցաբերել:

Մերկելը «Passauer Neue Presse»-ին տված հարցազրույցում ասել է, որ Էրդողանի Բեռլին և Քյոլն կատարած նախորդ այցերի փորձը աչքի տակ ունենալով , այս անգամ կոչ է անում մի քիչ ավելի զուսպ լինել: Տեղեկացնում է թուրքական «Սոնդաքիքա» լրատվական կայքը:

Էրդողանին զսպվածություն ցուցաբերելու կոչ է արել նաև «Քրիստոնյա-դեմոկրատական միություն» կուսակցության անդամ, Եվրախորհրդարանի պատգամավոր Էլմար Բրոքը, ով մասնավորապես ասել է. «Քյոլնը չի կարելի վերածել տասնայակ հազարավոր թուրքերի խնդիրների քննարկման վայրի: Եթե Էրդողանը Գերմանիայում պառակտման պատճառ է դառնալու, ապա լավ կլինի, որ հրաժարվի շաբաթ օրվա իր ելույթից:
Նշենք, որ Թուրքիայի վարչապետ Ռեջեփ Թայիփ Էրդողանի` մայիսի 24-ին Գերմանիա կատարելիք այցը առաջացրել է այնտեղի թուրքերի զայրույթը:

Այդ օրը մի շարք թուրքական հասարակական կազմակերպություններ պատրաստվում են բողոքի ակցիա անցկացնել` ընդդեմ վարչապետի: Ակցիայի մասնակիցների թիվը կկազմի մոտ 10 հազար հոգի: Բողոքի պատճառն այն է, որ Սոմայի աղետի հետևանքները դեռ չվերացված` վարչապետը շարունակում է իրականացնել իր նախընտրական քարոզազարշավը:

Ermenihaber.am