Թուրքիա այցելող չինացի զբոսաշրջիկների թիվն աճում է

Տարածաշրջան13:58, 26 Մայիս 2014

Թուրքիա այցելող չինացի զբոսաշրջիկների թիվն աճում է

Թուրքիա այցելող չինացի զբոսաշրջիկների թիվը տարեցտարի ավելանում է : Չինացիների շրջանում համացանցային որոնումների արդյունքով Թուրքիան 4-րդ հորիզոնականն է զբաղեցնում: Այս մասին տեղեկացնում է թուրքական «Հաբեր թուրք» լրատվական կայքը:

Skyscanner զբոսաշրջային որոնողական համակարգի տվյալների համաձայն՝ 2013 թվականին Չինաստան-Թուրքիա ավիատոմսերն ավելի շատ են որոնվել: Գրանցվել է 87 տոկոս աճ: Չինաստանում զբոսաշրջության նպատակով կատաված որոնումների արդյունքներով Թուրքիան 4-րդ տեղն է զբաղեցնում՝ զիջելով Սեյշելյան կղզիներին, Նոր Զելանդիային և Մալդիվյան կղզիներին:

Չինաստանի հասարակական գիտությունների ակադեմիայի տվյալներով 2013 թվականին չինացի զբոսաշրջիկների թիվը եղել է 97 մլն. 300 հազար: Սպասվում է, որ այս տարվա ցուցանիշը կանցնի 100 մլն-ի սահմանը: 2013 թվականին չինացի զբոսաշրջիկների շրջանում ամենամեծ պահանջարկ վայելող ուղղությունների մեջ Թուրքիան եղել է 22-րդը, իսկ այս տարի 5 հորիզոնականով առաջընթաց է գրանցել՝ զբաղեցնելով 17-րդ տեղը:

Ermenihaber.am