ERMENI HABER AJANSI

Անգլիական հանրահայտ «The Guardian» ամսագիրը  հոդված է հրապարակվել` Թուրքիայում Գեզիի դեպքերից 1 տարի անց տիրող վիճակի, հետևանքների մասին: Հայտնում է թուրքական «Սոնդաքիքա» լրատվական կայքը:

«Պետության զիջումների չգնալու դիրքորոշումը և ոստիակնության բիրտ գործողությունները ստիպեցին, որ դժգոհության ալիքը շատ արագ տարածվի ողջ երկրով մեկ: Բնապահպանական ակցիան, երկրի առաջնորդների դեմ ապստամբության վերածվեց:  Բողոքի ցույցերից 1 տարի անց , Գեզիի ուրվականը շարունակում է հետապնդել կարծես այդպես էլ չխրատված վարչապետին: Էրդողանն ապօրինության վերաբերյալ պնդումնների դեմ որդեգրեց երկիրը` իրեն հավատարիմների և դավաճանների բաժանելու ռազամավարությունը»,- ասվում է «The Guardian»-ի հոդվածում:

Հոդվածում, հիմնվելով Թուրք բժիշկների միության զեկույցի վրա, նշվում են  տվյալներ ցույցերի ընթացքում մահացածների ու վիրավորների թվի վերաբերյալ. ըստ դրանց` 8 հոգի մահացել է, 8000 հոգի` վիրավորվել , 104 հոգի գլխի շրջանում ծանր վնասվածք է ստացել , իսկ 11 հոգի` ոստիկանության կիրառած ռետինե փամփուշտների հետևանքով կորցրել է տեսողությունը: Նշվում է նաև, որ հարյուրավոր մարդիկ, ովքեր մասնակցել են ակցիաներին կամ աջակցել են ակտիվիստներին դատվել են:

«Ընդդիմությանը լռեցնելու համար մեդիա դաշտի վրա ճնշումն ավելացավ: «Twitter» ժամանակավորապես փակվեց, «Youtube»-ը դեռևս անհասանելի է Թուրքիայից: Էրդողանը շարունակում է «Գեզիի սադրիչներին» Թուրքիայի դեմ գործարքի մեջ մեղադրել»,-ասվում է հոդվածում

Ամսագրի հետ զրույցում թուրք ակտիվիստուհի Մեհթափ Դողանը  ասել է , որ ոստիկանների բիրտ գործողությունները չկանգնեցրեցին ցուցարաներին և Գեզին քանդեց վախի պատը:

Ermenihaber.am