Չիչեք. «Էրդողանի ուղերձից հետո մենք Հայաստանից ու սփյուռքից փոխադարձ քայլ ենք սպասում»

Քաղաքական07:49, 30 Մայիս 2014

Չիչեք. «Էրդողանի ուղերձից հետո մենք Հայաստանից ու սփյուռքից փոխադարձ քայլ ենք սպասում»

Թուրքիայի ազգային մեծ ժողովի (ԹԱՄԺ - TBMM) խորհրդարանի նախագահ Ջեմիլ Չիչեքն ընդունել է Ֆինլանդիայի խորհրդարանի նախագահի գլխավորած պատվիրակությաը: Տեղի է ունեցել առանձազրույց, այնուհետև հանդիպումը շարունակվել է ընդլայնված կազմով: ողմերը գոհունակությամբ փաստել են, որ արդեն լրանում է երկու երկրների միջև դիվանագիտական անխախտ հարաբերությունների 90 ամյակը:

Ինչպես հայտնում է թուրքական «Յերել գյունդեմ» լրատվական կայքը, Չիչեքը խոսել է Հայոց ցեղասպանության միջազգային ճանաչման թեմայից: Վերահաստատելով թուրքական կողմի դժգոհությունն առ այն, որ հայերը Թուրքիային սևացնելու, հեղինակազրկելու արշավ են իրականացնում աշխարհով մեկ` Չիչեքը կրկին հիշեցրել է պատմաբանների ընդհանուր հանձնաժողով ստեղծու գաղափարին Անկարայի կողմնակից լինելու մասին:

«Մենք պատրաստ ենք առերեսվել մեր պատմության հետ: Որ երկրի պատմաբանն ուզում է, թող գա այստեղ և ի ցույց դնի իր ձեռքի տակ եղած փաստաթղթերը, եթե կան այդպիսիք: Իսկ երկրների խորհրդարանները չպետք է ծառայեցվեն որպես գործիք»,- ասել է Չիչեքը` ընդգծելով որ Թուրքիայի վարչապետը ապրիլի 24-ի համար հղել էր ցավակցական ուղերձ և սպասվում է փոխադարձ քայլը Հայաստանից ու սփյուռքից:

Ermenihaber.am