Թուրքիայի դեղագործական շուկայում գրանցվել է արտահանության աճ

Տնտեսական09:04, 02 Հունիս 2014

Թուրքիայի դեղագործական շուկայում գրանցվել է արտահանության աճ

Թուրքիայի դեղագործական շուկայում գրանցվել է արտահանման ծավալների աճ: Այս մասին տեղեկացնող «Հաբեր7» լրատվական կայքը, վկայակոչելով երկրի վիճակագրական ծառայայության հրապարակած տվյալները, նշում է, որ ընթացիկ տարվա քառամսյակում արտահանումը նախորդ տարվա նույն ժամանակահատվածի համեմատ աճել է 11.7 տոկոսով և կազմել 297 մլն 778 հազար դոլար:

Թուրքիայի արտահանվող դեղորայքի սպառման ամենամեծ շուկան Հարավային Կորեան է: 2014-ի առաջին քառամսյակում Թուրքիայից Հարավային Կորեա է արտահանվել 29 մլն 355 հազար դոլարի մարդու և կենդանիների արյան շիճուկ, պատվաստանյութեր պատվաստանյութեր, թունաքիմիկատներ և այլն: Հարավային Կորեայից հետո երկրորդ տեղը զբաղեցնում է Շվեյցարիան (28 մլն 231 հազար դոլար), իսկ եռյակը եզրափակում է Գերմանիան (22 մլն 319 հազար դոլար):

Իսկ դեղերի ներկրման ծավալները ընթացիկ տարվա առաջին 4 ամիսներին Թուրքիայում կազմել է 1 մլրդ 459 մլն 465 հազար դոլար:

Ermenihaber.am