Թուրքիան ու Ռուսաստանը Գյուլենի հարցում համաձայնության են եկել

Քաղաքական14:02, 02 Հունիս 2014

Թուրքիան ու Ռուսաստանը Գյուլենի հարցում համաձայնության են եկել

Թուրքիան և Ռուսաստանը թուրքական իշխանությունների հետ հակամարտության մեջ գտնվող գյուլենականների հարցում հասել են փոխհամաձայնության: Նման տեղեկություն է հայտնում թուրքական «Աքշամ» պարբերականը` վկայակոչելով ամերիկյան կենտրոն ունեցող «Al Monitor» կայքի հրապարակումը, որտեղ հղում է արվում Մոսկվայի պետական համալսարանի պրոֆեսոր Վիտալի Նաումկինին: Ըստ վերջինիս` օրերս Մոսկվա կատարած այցի ընթացքում Թուրքիայի արտգործնախարար Ահմեթ Դավութօղլուն Կրեմլի հետ կարողացել է ընդհանուր եզրեր գտնել գյուլենականների հարցում, թեև Սիրիայի հարցում տարակարծությունները շարունակվել են:

Նշվում է, որ Թուրքիայի ու Ռուսաստանի միջև էներգետիկ համագործակցության պատեհ ժամանակ է հասունացել, ինչին էլ ավելի է նպաստում Թուրքիայում ռուսների կողմից ատոմակայանի կառուցման հաստատված նախագիծը: Ռուս պրոֆեսորը հիշեցնելով, որ ժամանակին, երբ Թուրքիայի իշխող կուսակցությունը դաշինքի մեջ էր ֆեթուլլահ Գյուլենի հետ, դեռ այն ժամանակվանից Մոսկվան բացասական էր վերաբերվում ամերիկաբնակ Գյուլենին: Եվ ահա հիմա, երբ Էրդողանի վարչակազմը առճակատվել է Գյուլենի հետ, արդեն ռուս-թուրքական շահերը սկսել են այդ հարցում համընկնել:

Ermenihaber.am