Թյուրքալեզու երկրները սերտացնում են գործակցությունը մի շարք ոլորտներում

Տարածաշրջան10:16, 05 Հունիս 2014

Թյուրքալեզու երկրները սերտացնում են գործակցությունը մի շարք ոլորտներում

Թուրքիայի Բոդրում քաղաքում անցկացվել է «Թյուրքալեզու երկրների համագործակցության խորհրդի» 4-րդ գագաթաժողովը, որին մասնակցել են պետությունների ղեկավարներ: Թուրքիայի արտգործնախարար Ահմեթ Դավութօղլուն իր ելույթում նշել է, որ թուրքախոս հանրությունները թեև ապրում են տարբեր պետություններում, բայց իրականում մեկ ազգ են:

Ըստ թուրքական «Անադոլու» լրատվական գործակալության` Թուրքիայի նախագահ Աբդուլլահ Գյուլը գագաթաժողովի շրջանակներում առանձնազրույցներ է ունեցել Թուրքմենստանի նախագահ Գուրբանգուլի Բերդիմուհամեդովի, Ղազախստանի նախագահ Նուրսուլթան Նազարբաևի, Ղրղզստանի նախագահԱլմազբեկ Աթամբաևի և Ադրբեջանի նախագահ Իլհամ Ալիևի հետ:

Նախագահական աղբյուրներից հայտնի է դարձել, որ այդ հանդիպումների արդյունքում որոշում է կայացվել կոնկրետ քայլեր ձեռնարկել էներգետիկայի, տրանսպորտի և մշակութային ոլորտներում գործակցելու ուղղությամբ: Հանդիպումներն ու հյուրերին տրված պաշտոնական ճաշն անցկացվել է լրագրողների համար դռնփակ պայմաններում:

Ermenihaber.am