«Այլևս երբեք. անցյալի հետ առերեսում և ներողություն» խորագրով ցուցահանդես Դիարբեքիրում

Տարածաշրջան09:48, 06 Հունիս 2014

«Այլևս երբեք. անցյալի հետ առերեսում և ներողություն» խորագրով ցուցահանդես Դիարբեքիրում

Դիարբեքիրի քաղաքապետարանի աջակցությամբ «Amed Sanat» պատկերասրահում կազմակերպվել է «Այլևս երբեք. անցյալի հետ առերեսում և ներողություն» խորագրով ցուցահանդես: Այն իրականացվում է «Անատոլիայի մշակույթի և բաց հասարության հիմնադրամի» նախագծի շրաջանակներում:

Ցուցահանդեսին ներկայացվել են ժողովուրդների տեղահանության, կոտորածի, ցեղասպանության, իրավունքների ոտնահարման և առհասարակ մարդկության դեմ ուղղված հանցագործությունների մի քանի դեպքեր, դրանց հետ առերեսված և ներողություն խնդրած պետությունների քայլերը: Լուսանկարների ու տեսանյութերի միջոցով ի ցույց են դրվել ԱՄՆ-ի Գերմանիայի, Ֆրանսիայի, Մեծ Բրիատանիայի, Ավստրալիայի, Չիլիի, Սերբիայի և Բուլղարիայի հետ կապված դեպքերը և ժողովրդավարական մշակույթի ձևավորման ընթացքը:

Դիարբեքիրի քաղաքապետարանի աշխատակից Ֆըրաթ Անլըն նշել է, որ ներողություն խնդրելը, անցյալի հետ առերեսվելը և հաշվի նստելը շատ օրակարգային են Թուրքիայի համար:

«Մենք, որպես բռնությունների ու հալածանքների ենթարկված ժողովուրդներ. սպասում ենք պետության ղեկավաների ներողությանը: Սպասում ենք առնվազան խղճի խայթի մի նշանի, վստահություն ներշնչող մի մոտեցման»,- ըստ «imc TV» լրատվականի` ասել է Անլըն: Նա նաև նշել է, որ Հայոց ցեղասպանության մեկդարյա տարելիցին իրենց էլ է առերերսում պետք սեփական խղճի հետ և ներողություն խնդրել այդ տարածքներում ցեղասպանության ենթարկված ժողովուրդներից ու գլխավորապես հայերից, քանի որ իրենք ևս պատասխանատվության բաժին են զգում:

Ermenihaber.am