Թուրքերը Հայոց ցեղասպանության մասին ֆիլմ կնկարահանեն

Մշակութային08:52, 06 Հունիս 2014

Թուրքերը Հայոց ցեղասպանության մասին ֆիլմ կնկարահանեն

Թուրքիայի ազգային մեծ ժողովի (ԹԱՄԺ) արտաքին հարաբերությունների հանձնաժողովը Հայոց ցեղասպանության թեմայով հատուկ ժողով է կազմակերպել: Վարչապետ Ռեջեփ Թայիփ Էրդողանի խորհրդականի օգնական Իբրահիմ Քալընը և արտաքին գործերի նախարար Ահմեթ Դավութօղլուի խորհրդականի օգնական Էրդողան Իշջանը հանձնաժողովին են ներկայացրել Հայոց ցեղասպանության 100 ամյակին ընդառաջ հայկական միջոցառումները և Անկարայի հակաքայլերի ծրագիրը: Այս մասին տեղեկացնում է թուրքական «Հաբեր թուրք» լրատվական կայքը:

Հանձնաժողովի անդամներին տեղեկացվել է նաև, որ հայկական լոբբին պատրաստվում է ցեղասպանության մասին մեծ բյուջե ունեցող ֆիլմ նկարահանել, ինչին թուրքական կողմը համարժեք պատասխան կտա: Թուրքական ֆիլմի նկարահանման աշխատանքները կսկվեն մի քանի ամսից: Նկարահանումները կանցկացվեն Իգդիրում: Ֆիլմի անուն է «Մեր սրտի ճաքը»: Հանձնաժողովի անդամ «Ազգայանական շարժում» կուսակցության ներկայացուցիչ Սինան Օղանին ֆիլմի անունը դուր չի եկել, քանի որ այն չի արտացոլում Հայկական հարցը և ավելի շատ սիրային ֆիլմի անուն է հիշեցնում:

Կայքը տեղեկացնում է նաև, որ հայերը պատրաստվում են ֆիլմ նկարահանել՝ ընդգրկելով հայտնի դերասանների, ինչպիսիք են Ալեն Դելոնը, Ադրիան Բրոուդին և Դասթին Հոֆմանը: Սցենարը զարգանում է 1913 թվականին գերմանական բանկերից մեկում Կոմիտաս վարդապետի բացած հաշվեհամարի շուրջ, որի հետքերով գնալով բացահայտվում է , թե ինչպես են գերմանական բանկերը Հայոց ցեղասպանության ընթացքում և հետո տիրացել հայերի գումարներին: Ֆիլմի երաժշտության հեղինակը կլինի System Of A Down ռոք խմբի անդամ Սերժ Թանկյանը:

Ermenihaber.am