ERMENI HABER AJANSI

Թուրքիայի իշխանությունները պաշտոնական հայտարարությունների հրապարակման համար ընթացիկ տարվա առաջին 4 ամսվա ընթացքում 13 մլն 228.000 թուրքական լիրա (շուրջ 7 մլն ԱՄՆ դոլար) գումար են վճարել 12 անուն թերթերի, որոնք հայտնի են որպես իշխանամետ լրատվամիջոցներ:

Այս մասին հայտնի է դարձել ընդդիմադիր ժողովրդահանրապետական պատգամավոր Ումութ Օրանի` փոխվարչապետ Բյուլենթ Արընչին հղած հարցումից հետո, երբ վերջինս պաշտոնապես տեղեկացրել է 12 պարբերականների խմբագրություններին վճարված գումարի ստույգ չափի մասին:

Իրազեկվելուց հետո ընդդիմադիր պատգամավորը վրդովմունք և հիասթափություն է հայտնել իշխանություններից գումար վերցրած լրատվամիջոցների կապակցությամբ և նշել, որ նրանց արածը լրագրություն կոչվել չի կարող:

Թուրքական «Ջումհուրիյեթ» պարբերականի էլ. կայքը ներկայացրել է Թուրքիայի կառավարությունից ֆինանսական միջոցներ ստացած վերոնշյալ թերթերի ցանկը և գումարի չափը:

Akşam - 1 մլն 93 հազար թուրքական լիր (ԹԼ)

Güneş - 1 մլն 30 հազար ԹԼ

Habertürk - 1 մլն 259 հազար ԹԼ

Milat  - 959 հազար 272 ԹԼ

Milliyet - 1 մլն 121 հազար ԹԼ

Sabah - 1 մլն 281 հազար ԹԼ

Star - 1 մլն 116 հազար ԹԼ

Takvim - 1 մլն 111 հազար ԹԼ

Türkiye - 1 մլն 112 հազար ԹԼ

Vatan - 1 մլն 119 հազար ԹԼ

Yeni Akit - 961 հազար 165 ԹԼ

Yeni Şafak - 1 մլն 120 հազար ԹԼ

Ընդհանուր` 13 մլն 288 հազար 430 ԹԼ

Ermenihaber.am