Մոսուլը գրաված գրոհայինները պատանդ են վերցրել թուրք հյուպատոսին

Տարածաշրջան12:31, 11 Հունիս 2014

Մոսուլը գրաված գրոհայինները պատանդ են վերցրել թուրք հյուպատոսին

«Ալ Քաիդյաի» հետ կապեր ունեցող«Իրաքի և Լևանտի իսլամական պետություն» (İŞİD) ահաբեկչական խմբավորման գրոհայինները, որոնք գրավել են Իրաքի Մոսուլ քաղաքը , ներխուժել են այնտեղի թուրքական հյուպատոսարան:

Ըստ թուրքական «Սոնդաքիքա» լրատվական կայքի գրոհայինները պատանդ են վերցրել հյուպատոսարանի աշխատակիցմերին, այդ թվում` հյուպատոս Օզթյուրք Յըլմազին: Ըստ աղբյուրի` սա առաջին դեպքն է, որ «İŞİD»-ը պատանդ են վերցնում դիվանագիտական առաքելություն իրականացնող պաշտոնյայի:

Հիշեցնենք, որ օրերս տեղեկություն տարածվեց այն մասին, որ Իրաքի մեծությամբ երկրորդ՝ Մոսուլ քաղաքը գրավվել է ծայրահեղական սուննի գրոհայինների կողմից: Ականատեսների խոսքերով՝ հազարավոր շիաներ խուճապահար լքում են քաղաքը: «Քաղաքն այլևս չի գտնվում պետության հսկողության տակ»,- հայտարարել է պաշտոնական Բաղդադի ներկայացուցիչը: Նախորդ օրերի ընթացքում Մոսուլում ընթանում էին դաժան մարտեր: Ըստ «Ռոյթերզ»-ի` քաղաքի գրավմանը մասնակցել են «Իրաքի և Լևանտի իսլամական պետություն» խմբավորման հարյուրավոր գրոհայիններ:

Ermenihaber.am