Մոսուլը զավթած ահաբեկիչների հրամանատարը նախկինում վիրավորվել և բուժվել է Թուրքիայում

Տարածաշրջան08:25, 12 Հունիս 2014

Մոսուլը զավթած ահաբեկիչների հրամանատարը նախկինում վիրավորվել և բուժվել է Թուրքիայում

Իրաքի Մոսուլ քաղաքը զավթած «Իրաքի և Լևանտի իսլամական պետություն» (IŞİD) ահաբեկչական խմբավորման հրամանատարներից մեկը` Մազեն Էբու Մուհամմեդը, ոչ վաղ անցյալում բուժում է ստացել Թուրքիայում: Շրջանառվող լուրերի համաձայն` Մազեն Էբու Մուհամմեդը հենց այն մարդն է, ում հրամանով են ահաբեկիչները ներխուժել Մոսուլի թուրքական հյուպատոսարան և պատանդ վերցրել 49 հոգու, այդ թվում և հյուպատոսին:

Ըստ թուրքական «Ջումհուրիյեթ» պարբերականի` Սիրիայի Քամինաս ավանում վիրավորված Մազեն Էբու Մուհամմեդը 2014-ի ապրիլին տեղափոխվել էր Անթաքիա և տեղի հիվանդանոցում վերականգնել առողջությունը:

Հայտնի է դարձել, որ բացի վերոնշյալ 49 հոգուց «IŞİD»-ի ահաբեկիչները գերեվարել են Թուրքիայի ևս 31 քաղաքացու Մոսուլի Գայերա շրջանում: Նրանց հրամանատարի` Անթաքիայում բուժվելու փաստն ավելի համոզիչ է դարձրել Սիրիայում Ասադի զորքերի դեմ պատերազմող ահաբեկչական այդ խմբավորման և Թուրքիայի միջև առկա կապի մասին:

Ermenihaber.am