ERMENI HABER AJANSI

«Ալ Քաիդա» ահաբեկչական միջազգային ցանցի հետ կապեր ունեցող«Իրաքի և Լևանտի իսլամական պետություն» (IŞİD) ծայրահեղական խմբավորման կազմում 2000 թուրք կա: Այս կազմակերպությունը ցանկանում է Իրաքում, Սիրիայում, ինչպես նաև Լիբանանում, Պաղեստինում և Հորդանանում իսլամական օրենքի՝ շարիաթի վրա հիմնված պետություն ստեղծել:

Այս մասին տեղեկացնող  թուրքական «Վաթան» թերթը նշում է, որ IŞİD-ին անդամակցող թուրքերը հիմնականում Շանլըուրֆայից, Դիրաբեքիրից, Բաթմանից, Բինգյլոից, Մարդինից, Գազիանթեփից, Վանից և Ստամբուլից են:
Նշվում է, որ IŞİD-ի ամենահայտնի  թուրքը Հոլանդիայում ծնված Յըլմազն է: Նա ծառայել է և՛ թուրքական, և՛ հոլանդական բանակներում ու արդեն երկու տարի է մասնակցում է Սիրիայի պատերազմին:

Հիշեցնենք, որ օրեր առաջ IŞİD ահաբեկչական խմբավորման զինյալները, գրավելով Իրաքի Մոսուլ քաղաքը, ներխուժել են տեղի թուրքական հյուպատոսարան և գերեվարել 49 հոգու, այդ թվում և գլխավոր հյուպատոս Օզթյուրք Յըլմազին:

Այս առնչությամբ թուրք ահաբեկիչը հայտնել է, որ չի կարծում, թե IŞİD-ը գերեվարված թուրքերին կսպանի, նրանց բաց կթողնի մեծ գլխագնի դիմաց:

Ermenihaber.am